Quamquam valde mihi placent colloquia quae in porticu publica habemus de philosophia, artibus, natura etc., Nonnullis diebus vix tempus invenio ut aliquid boni conferam his colloquiis.
Ergo propono hic de vita cotidiana loquamur: quid hodie agitis?
Ego incipiam: hoc mane in horto publico cucurri, ut corpus mentemque excitarem. Nunc caffeam bibo et exspecto sarcinam. Hac postmeridie unam ex epistulis Senecae legam, ut cras de ea disputare possim. Laborare hodie non debeo; diu non habui diem tam vacationem, itaque fruor quiete otioque.
Spero vos quoque diem bonum habiturum esse! Dicite, quaeso, quid hodie agitis. Valete!
Salvete,
Ipse quoque hodie epistulam legam Senecae ut cras commentariolum afferam. Heri autem cum in frigido posuerim massam aquae farinaeque fermentaturam ut dulcem hodie parem, aliquot horas agam in coquina ea spe ut ne frustra heri commixtionem molitus sim, quod saepe imperitus cum sim fermentandi cibi coctum minus quam opinatum esset produco. Mihi propitius sit Fornax!
Valete.
Obsesso aestu, solis obruto radiis, orbato legendi vi, mihi adsit Boreae frigus!
Bene scriptum, perpoeticum, auctor II! Hic quoque, ut aiunt, mox iterum valde aestuabitur. Me praeparo...
Propitie in nos hodie se gessit Iuppiter imbrifer, pluit tandem et aestus aliquanto reppulit. Est mihi nunc eum audire tonitruantem. :)
Amore captus, totos dies eam desiderans gero.
Quaeso, dic nobis plura, auctor V! Nihil est tam iucundum quam amor!
Mihi valde paenitet de his rebus loqui, latinitatis causa tamen calamum movebo. Nam quantae sint miseriae meae, tota culpa mea est. Vitam beatam amoris texatam timebam, nec coris desideria serio umquam tenebam. Cum eam rursum vidi mense praeterito, somnus excidit vitae dulcidinem vehens. Finem probationum modo expecto, ut ad eam rusurm aggrediam, veniam optans.
*tectam (texatam)
Si condiciones patiuntur, auctor VII, ei certe dic quid sentias. Seipsum verum esse sola via est, quae ad felicitatem ducit. Pro te orabo, bona tibi fortuna!
Per totam hebdomadem liberis coquo, in tentoriis in silva morans. Gratum iucundumque est, sed otium mihi fere omnino abest.
Rursus cotidie scribere coepi. Hoc ago libere, sine argumento et sine proposito, sed semper saltem DCCL verba scribo. Id mihi iam multum profuit, quia me ipsum melius intellego; id etiam aliis suadeam!
Macte assiduitate! Graecis/Latinis legendis et aliis vitae officiis impetrandis deest mihi copia vel voluptas eiusdem faciundi; sane otium non deest omnino, sed facundia adhuc parum adempta egeo temporis spatio ut aliquid concinne scribam
Salve, auctor XII, mihi quoque saepe deest otium ad Latinas litteras aliaque studia mea.
Illa scriptio quam in nuntio XI commemoravi, fateor, alia lingua est; tantus enim verborum numerus Latine (DCCL!) totum mihi diem absumat!
iogurtum cum avena edo, maxime mihi placet.
Hodie interfui nuptiis cuiusdam amici totum diem a mane ad vesperum, nil legi, nihilominus scribam cras in Senecae quaestione cum litteram hebdomalem iam legerim
Forte, auctor XV, ego quoque nuptiis cuiusdam amici interfui, sed die Veneris. Si hodie de epistula scribere potes, perbene; si tamen plus temporis tibi opus est, sane quaeso morare!
Hodie libro notissimo de scriptura Latina, quem Arnold ac Bradley composuerunt, studui, praesertim iis exercitationibus quae explicant quomodo 'quin' atque 'quominus' adhibeantur. Difficillimus est liber, eo magis quod magistro careo quominus de erroribus rebusque quae non intellego duci possim.
Olim cum otio fruendi mihi copia erat ipse quoque operam dedi libello a North Hillardque scripto ut lepidius latine scriberem et usque otium erat exercitationibus perficiendis delectatus sum, tamen fere dimidiam libri partem modo complevi.
Exercitationes eiusmodi valde iucundae mihi videntur. De libro in nuntio XVII iam pridem audivi eumque diu emere volui; liber autem in nuntio XVIII mihi novus est. Praeterea amicus quidam dixit librum quendam a Colebourn scriptum etiam bonum esse. Forsitan his exercitationibus in novo colloquio uti possimus atque responsa inter nos conferre. Vobisne id placet? Quem librum sumamus?
Ah nescio num otium foret mihi ad hoc quoque cum iam litteras Senecae tractamus, forsitan conabor utique.
Intellego, auctor XX. Mox colloquium faciam; si tibi libeat, adesto, sin non otium habeas, ne putes officium esse :)
Novum officium inveni. Labor ipse est similis, sed in hac societate plus occasionum crescendi. Quod melius est: aedificium eius in quo laborabo magna villa marmorea in silvis est!
cras vindemiae erunt in vineae patris amici, censeo totum diem a mane plus minusve occupatum iri: non est opus ingenio aut studiis meis aptum aut cui mercedis causa operam do sed semel in anno non displicet apud vites diem agere